Stækkar griðasvæði hvala í Faxaflóa

Steingrímur J. Sigfússon, fráfarandi atvinnuvegaráðherra, hefur gefið út reglugerð um stækkun griðasvæðis hvala í Faxaflóa sem miðist við Garðskagavita og beina línu að Skógarnesi á Snæfellsnesi. Reglugerðin tekur gildi á miðnætti.

Fram kemur í tilkynningu á heimasíðu atvinnuvega- og nýsköpunarráðuneytisins um setningu reglugerðarinnar í dag að ákvörðun ráðherrans gangi skemur en tillaga meirihluta nefndar sem fjallað hafi um stefnumörkun í hvalveiðimálum. Meirihlutinn hafi viljað að miðað væri við beina línu frá Garðskagavita að Arnarstapa.

Við ákvörðun um afmörkun griðasvæðisins í Faxaflóa hafði ráðherra að leiðarljósi hagsmuni hvalaskoðunar- og hvalveiðifyrirtækja og jafnframt var stuðst við tillögur meirihluta nefndarinnar,“ segir á heimasíðunni. Hins vegar hafi verið ákveðið að griðasvæði hvala á Skjálfandaflóa verði óbreytt.

Frétt atvinnuvegaráðuneytisins

• 1 blogg um fréttina

Bloggað um fréttina

• Jóhann Elíasson: VAR ÞAÐ EKKI HANN SEM GAGNRÝNDI EINAR K. GUÐFINNSON FYRIR …