Breski Evrópuþingmaðurinn Marina Yannakoudakis spyr á Twitter-síðu sinni í dag hvort framkvæmdastjórn Evrópusambandsins eigi eftir að heimta til baka svonefnda IPA-styrki sem það veitti Íslandi til þess að undirbúa landið fyrir inngöngu í sambandið og annað sem ætlað var að gera inngöngu meira aðlaðandi í augum Íslendinga.

Ummælin koma í kjölfar þeirrar ákvörðunar nýrrar ríkisstjórnar að stöðva viðræðurnar um inngöngu í Evrópusambandið samkvæmt stjórnarsáttmála og hefja þær ekki að nýju nema að undangengnu þjóðaratkvæði. Yannakoudakis situr á Evrópuþinginu fyrir breska Íhaldsflokkinn en hún gagnrýndi Íslendinga áður harðlega fyrir að vilja ekki greiða fyrir Icesave-innistæðurnar í Bretlandi og Hollandi.

Greiðslur til Íslands í formi IPA-styrkja voru í vetur talsvert til umfjöllunar í Bretlandi en ýmsum stjórnmálamönnum þar í landi þótti út í hött að Evrópusambandið væri að greiða slíka styrki til Íslands, meðal annars til þess að byggja upp ferðaþjónustu hér á landi, á sama tíma og Íslendingar neituðu að greiða fyrir Icesave-innistæðurnar.

Þess má geta að samkvæmt samningi íslenskra stjórnvalda við Evrópusambandið um IPA-styrkina er gert ráð fyrir að hægt sé að segja honum upp einhliða af öðrum hvorum aðila. Verði það gert haldi þau verkefni sem þegar séu í gangi áfram þrátt fyrir mögulega uppsögn samningsins.

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• 4 blogg um fréttina

Bloggað um fréttina

• Samtök um rannsóknir á ESB ...: Knýjandi spurningar vegna "hlés" á aðlögunarviðræðum við Evrópusambandið
• Axel Jóhann Axelsson: Voru IPAstyrkirnir mútur eftir allt saman?
• Heimssýn: Heimta endurgreiðslu á áróðursstyrkjunum fyrst Íslendingar létu ekki segjast
• Kolbrún Hilmars: Skyldi þó ekki vera