Ökumenn virði rauða ljósið

Umferðarstofa hvetur alla ökumenn til að virða rauða ljósið í umferðinni, en stofnunin segir að henni hafi borist fjöldi ábendinga að undanförnu um bíla sem fari yfir á rauðu ljósi.

Þetta eigi einkum við þegar umferðarþungi sé mikill og þá sé gjarnan gefið í til að komast yfir gatnamót.

„Slíkt aksturslag skapar hættu fyrir alla vegfarendur og er sérstaklega varhugavert nú þegar gangandi vegfarendum, sem treysta á gönguljós, fer fjölgandi í umferðinni. Við biðjum því alla um að virða rauða ljósið - og muna að okkur liggur sjaldnast lífið á,“ segir Umferðarstofa á Facebook-síðu sinni.

• 1 blogg um fréttina

Bloggað um fréttina

• Ómar Ragnarsson: Sérstaklega áberandi á beygjuljósum.