Á annað þúsund við Stjórnarráðið

Á bilinu 1.000 og 1.200 manns komu saman við Stjórnarráðshúsið nú á sjötta tímanum til að afhenda forsætisráðherra áskorun frá Landvernd.

Þar eru forsætisráðherra og umhverfis- og auðlindaráðherra hvattir til að hverfa frá yfirlýsingum um að fjöldi svæða, þar á meðal á miðju hálendinu, verði færður í virkjanaflokk rammaáætlunar.

„Landvernd hvetur til víðtæks samráðs stjórnvalda við almenning, náttúruverndar- og útivistarsamtök, ferðaþjónustufyrirtæki og sveitarfélög með það að markmiði að ná þjóðarsátt um náttúruverndar- og virkjanamál. Niðurstöðu slíks samráðs mætti bera undir þjóðina til samþykktar eða synjunar,“ segir í ályktuninni.

Sigmundur Davíð Gunnlaugsson, forsætisráðherra, tók sjálfur ekki við áskoruninni. Þess í stað tók Jóhannes Þór Skúlason, aðstoðarmaður hans, við henni við misjafnan fögnuð viðstaddra.

Guðmundur Hörður Guðmundsson, formaður Landverndar, afhenti honum áskorunina og hélt örlitla tölu á staðnum.

Frétt mbl.is: Leiðrétta misskilning ráðherra

• 5 blogg um fréttina

Bloggað um fréttina

• Óskar: Gula spjaldið á 1. mínútu
• Guðmundur Jónas Kristjánsson: Hvers virði er landvernd án fullveldis ?
• Jón Ingi Cæsarsson: Bara einn grænn fáni við Stjórnarráðið.
• Óðinn Þórisson: Til að stoppa og koma í veg fyrir
• Haraldur Haraldsson: Á annað þúsund við Stjórnarráðið//Þetta dæmigert af fólki sem heimtar …