Fékk 12 ára dóm í Danmörku

Dómstóll í Kaupmannhöfn dæmdi í gær 39 ára Íslending, Guðmund Inga Þóroddsson, í 12 ára fangelsi fyrir innflutning á fíkniefnum til Danmerkur. Maðurinn var talinn höfuðpaur í afar umfangsmiklum fíkniefnainnflutningi en magnið hljóp á tugum kílóa af amfetamíni. Fleiri Íslendingar eru í haldi vegna málanna.

Þetta kemur fram á vefsvæði Ríkisútvarpsins.

Guðmundur Ingi hefur margsinnis komist í kast við lögin hér á landi vegna fíkniefnamála. Árið 2000 var hann dæmdur í sjö ára fangelsi fyrir innflutning á 3.850 e-töflum og sölu og dreifingu fíkniefnanna hérlendis.

Dómur Hæstaréttar féll 19. desember 2000 en á sama tíma var Guðmundur Ingi að leggja á ráðin um enn umfangsmeiri fíkniefnainnflutning. Hann játaði sinn þátt í fíkniefnasmygli sem hann skipulagði ásamt öðrum meðan hann var í fangelsi. Með aðstoð samfanga sinna og manna utan fangelsisins flutti hann inn tæplega 1.000 e-töflur og gerði misheppnaða tilraun til að flytja inn 4-5.000 e-töflur.

Guðmundi Ingi hlaut fimm ára dóm fyrir það mál. 

Dómar yfir öðrum Íslendingum sem eru í varðhaldi í Danmörku vegna innflutnings tuga kílóa amfetamíns verða kveðnir upp í haust.

• 1 blogg um fréttina

Bloggað um fréttina

• Sigurður Haraldsson: það var bara gott á hann!