Sigurður Ingi Jóhannsson, sjávarútvegs- og landbúnaðarráðherra, hefur sent erlendum fjölmiðlum yfirlýsingu í framhaldi af fréttamannafundi Mariu Damanaki, sjávarútvegsstjóra Evrópusambandsins, sem haldinn var í Brussel í gærkvöldi.

Á fundinum kom m m.a. fram að undirbúningur væri hafinn að mögulegum viðskiptaaðgerðum gegn Íslandi vegna stöðunnar í makrílviðræðum. 

Í yfirlýsingu ráðherrans segir hann Íslendinga kalla eftir sanngjarnri og skynsamlegri lausn á makríldeilunni. „Hótanir Evrópusambandsins um refsiaðgerðir eru öfugverkandi og óhóflegar, sér í lagi í ljósi ofveiða Evrópusambandsins og Noregs á makríl. Tilraunir til þess að kúga Íslendinga með því að stinga upp á ólögmætum refsiaðgerðum mun ekki útkljá þetta brýna og viðkvæma mál. Forsætisráðherra [Sigmundur Davíð Gunnlaugsson] hefur í dag enn á ný undirstrikað að áformaðar refsiaðgerðir myndu stangast á við reglur Alþjóðaviðskiptastofnunarinnar (WTO).“

Sjávarútvegs- og landbúnaðarráðherra sagði ennfremur í yfirlýsingu sinni að makrílstofninn væri sameiginleg auðlind strandríkja og stjórnun stofnsins ætti að sæta skynsemi.

Þá benti ráðherrann einnig á að Íslendingar hefðu ákveðið að minnka makrílkvóta sinn fyrir árið 2013 um 15% frá árinu á undan. Að lokum segist ráðherrann vona að lausn deilunnar finnist í vísindalegum rökum en ekki kúgun stærri þjóða á þeim minni.

Tengdar fréttir

Makrílveiðar

Eining um heildarkvóta en ekki skiptingu

• Útbreiðsla makríls í íslenskri landhelgi ein sú minnsta
• „Veiðiárangur er oft spurning um heppni“
• „Þetta gengur mjög rólega og lítið um makríl“
• Fyrsti makríllinn úr íslenskri lögsögu

» Fleiri tengdar fréttir

• 4 blogg um fréttina

Bloggað um fréttina

• Jóhann Elíasson: OG HVER VERÐUR SVO NÆSTA HÓTUN ESB???????????
• Ómar Ragnarsson: Hótanir Breta bitu ekki 1952.
• Óðinn Þórisson: Getuleysi fyrr. ríkisstjórnar í esb - málinu
• Ómar Bjarki Kristjánsson: Framsóknarmenn fara á taugum og missa kúlið.