Sigurður Ingi forsætisráðherra

Sigurður Ingi Jóhannsson, sjávarútvegs- landbúnaðar og umhverfisráðherra, gegnir þessa dagana embætti forsætisráðherra, en Sigmundur Davíð Gunnlaugsson er í embættiserindum í Brussel að ræða við forystumenn Evrópusambandsins.

Fleiri ráðherrar eru í fríi þessa dagana, enda sumarfrí landsmanna í hámarki. Reglur stjórnarráðsins kveða á um að þegar ráðherra fer til útlanda þarf hann að fela öðrum ráðherra að gegna störfum sínum á meðan. Ef ráðherra er í fríi innanlands þarf hann ekki að finna annan mann til að stýra ráðuneytinu á meðan.

Bjarni Benediktsson fjármálaráðherra er erlendis og gegnir Illugi Gunnarsson menntamálaráðherra störfum fyrir hann á meðan.

Ragnheiður Elín Árnadóttir iðnaðar- og viðskiptaráðherra er einnig erlendis og gegnir Kristján Þór Júlíusson heilbrigðisráðherra störfum fyrir hana á meðan. Von er á henni heim um miðja vikuna.

• 1 blogg um fréttina

Bloggað um fréttina

• Haraldur Haraldsson: Sigurður Ingi forsætisráðherra//Ég auglýsi eftir þessum Ráðherrum,til að koma málum …