Myndavélar á lögregluþjónum gefa góða raun

Nokkur lögregluembætti á landsbyggðinni hafa tekið upp notkun sérhannaðra upptökuvéla sem lögregluþjónar bera framan á sér.

Reynsla erlendis frá sýnir að kvörtunum fækkar með tilkomu slíkra tækja og að borgarar hegða sér betur þegar þeir vita að þeir eru í mynd.

Í umfjöllun um mál þetta í Morgunblaðinu í dag kemur fram, að vélarnar eru bæði notaðar á vettvangi og við yfirheyrslur og brjóta ekki gegn friðhelgi einkalífsins.