Spá 10-24 stiga hita

Í dag spáir Veðurstofa Íslands 10-24 stiga hita á landinu. Hlýtt og bjart er á höfuðborgarsvæðinu. Á spákorti Veðurstofunnar kl. 12 í dag má því sjá gular sólir um allt land. Hitinn er þegar kominn yfir 20 stig í Árnesi og Skálholti.

Í dag er spáð hægri austlægri eða breytilegri átt, en austan 5-10 við suður- og suðausturströndina. Bjart verður að mestu, en þokuloft við ströndina, síst vestantil.

Norðaustan 5-10 á morgun, en 8-13 suðaustantil. Þykknar heldur upp um þegar líður á morgundaginn og lítilsháttar væta suðaustantil síðdegis, en áfram bjart að mestu um landið vestanvert. Hiti verður 10 til 24 stig að deginum, hlýjast inn til landsins.

Sjá nánar um veðrið á veðurvef mbl.is.

• 1 blogg um fréttina

Bloggað um fréttina

• Ómar Ragnarsson: Tíu stiga hiti á Heklutindi.