Magnús greiðir hæstu skattana
Setja bókamerki
Magnús Kristinsson, útgerðarmaður í Vestmannaeyjum, greiðir mestan skatt Íslendinga, samkvæmt yfirliti frá ríkisskattstjóra um álagningu einstaklinga 2013. Magnús greiðir tæplega 190 milljónir króna í skatta.
Næst hæstu gjöldin greiðir Kristján V. Vilhelmsson, útgerðarmaður á Akureyri, sem greiðir rúmlega 150 milljónir. Guðbjörg M. Matthíasdóttir, útgerðarmaður í Vestmannaeyjum og greiðir ríflega 135 milljónir. Guðbjörg Edda Eggertsdóttir, forstjóri Actavis er í fjórða sæti með 115 milljónir.
Níu konur á lista yfir 30 hæstu gjaldendur
Á lista yfir 30 hæstu gjaldendur eru níu konur. Þessir 30, sem hæsta skatta borga, greiða samtals tæplega 2,4 milljarða í skatta.
Þorsteinn Hjaltested, frá Vatnsenda í Kópavogi, var skattakóngur Íslands í fyrra og einnig árið 2011. Hann greiddi 185 milljónir í skatta í fyrra og 162 milljónir 2011. Þorsteinn er hins vegar ekki á lista ríkisskattstjóra yfir hæstu gjaldendur í ár samkvæmt álagningarskrá.
Börn hafi engan rétt á leikskólakennslu
Nýtt fangelsi í landi Stóra-Hrauns tilbúið 2028
Drónamyndskeið frá hápunkti gossins í nótt
Hraun kemur úr þremur gígum: Virknin stöðug
Hluti bílastæðis undir hraun: Ómögulegt að meta tjón
Maskína: Framsókn í fallbaráttu
Sólveig Anna furðar sig á aðferðum kennara