Besta veðrið suðvestantil

Í vikunni og um verslunarmannahelgina má búast við besta veðrinu á suðvesturhorni landsins. Norðlæg átt verður yfir landinu og því heldur kaldara en undanfarna daga.

Á miðvikudag verður norðlæg átt, 8-13 m/s við norðausturströndina og vestanlands. Skýjað verður um landið norðan- og austanvert og skúrir norðaustanlands, en bjart með köflum suðvestanlands og líkur á síðdegisskúrum. Hiti 5 til 10 stig fyrir norðan, en annars 11 til 18 og hlýjast á suðurlandi. 

Á fimmtudag verður hægari norðaustlæg átt og skúrir norðaustan til. Bjart verður suðvestanlands.

Á föstudag verður hvassast fyrir austan og rigning eða skúrir, og þá sérstaklega síðdegis. Bjart verður að mestu suðvestan til. Hiti á bilinu 8 til 18 sig. Hlýjast suðvestan til.

Á laugardag og sunnudag verður áfram norðlæg átt og því kaldara en undanfarið hefur verið. Votviðri verður norðan og austan til og hiti á bilinu 7-12 stig.

• 1 blogg um fréttina

Bloggað um fréttina

• Jens Guð: Fjörið og góða veðrið um verslunarmannahelgina