Björn Valur Gíslason, varaformaður Vinstri grænna, segir að Vigdís Hauksdóttir, formaður fjárlaganefndar, hafi með ummælum sínum í fréttum Ríkisútvarpsins sakað forstöðumenn opinberra stofnana um landráð.

„Þetta er ákveðin hertækni hjá Evrópusambandinu að lofa fé og æsa upp forstöðumenn ríkisstofnanna og starfsmenn þeirra við það að fá fjármagn til þess að fara í einhver verkefni,“ sagði Vigdís meðal annars í samtali við Ríkisútvarpið vegna umræðu um IPA-styrki Evrópusambandsins.

Ummæli Vigdísar urðu Birni Val tilefni til skrifa á vefsvæði sitt. Þar segir hann: „Hún vill því meina að forstöðumenn opinbera stofnana gangi erinda erlendra þjóða gegn greiðslu. Í raun er hún að saka allt þetta fólk um landráð.“

Þá segir Björn Valur að formenn stjórnarflokkanna verði annaðhvort að taka undir álit Vigdísar eða gera það að engu með afdráttarlausri yfirlýsingu. „Vigdís Hauksdóttir er ekki lengur afsökun fyrir hálfvitaskap af þessu tagi.“

Vigdís Hauksdóttir, þingmaður Framsóknarflokksins. mbl.is/Ómar Óskarsson

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• 3 blogg um fréttina

Bloggað um fréttina

• Guðrún María Óskarsdóttir.: Ætlaði ríkisstjórn VG og Samfylkingar að reka opinbera stjórnsýslu á …
• Gunnar Heiðarsson: Neðar er vart hægt að komast í aumingjaskap !!
• Páll Vilhjálmsson: Björn Valur leggur Vigdísi orð í munn