Katrín Jakobsdóttir, formaður Vinstri grænna, gagnrýndi forgangsröðun ríkisstjórnarinnar á flokkráðsfundi flokksins í dag. Sagði hún að þrátt fyrir að kosningabaráttan hefði meira og minna snúist um stöðu heimilanna og skuldaniðurfellingu hefði nefnd sem fjalla ætti um skuldamál enn ekki verið skipuð.

Hún sagði kosningaloforð Framsóknar um skuldaniðurfellingu enn á huldu. „Nánast öll kosningabaráttan snerist um óútfærðar hugmyndir Framsóknarflokksins um almenna skuldaniðurfellingu,“ sagði Katrín. „Enginn veit í raun ennþá hverju var lofað og óvissan ágerist með hverjum deginum sem líður.“ Þá sagði Katrín einnig að ýmis önnur mál fengið meiri athygli á sumarþingi, svo sem lækkun sérstaks veiðigjalds, Ríkisútvarpið og lækkun virðisaukaskatts á ferðaþjónustu.

Katrín gagnrýndi einnig hugmyndir ríkisstjórnarinnar um að breyta nýrri rammaáætlun og taka Norðlingaölduveitu úr verndarflokki.

Tengdar fréttir

Skuldaleiðréttingar ríkisstjórnarinnar

Leiðréttingin heppnaðist „frábærlega“

• Er forsætisráðherra sáttur við frammistöðuna?
• Skýrslan var tilbúin fyrir kosningar
• Tekjuhæstu 10% fengu 22 milljarða
• Leiðréttingin greidd að fullu

» Fleiri tengdar fréttir

• 1 blogg um fréttina

Bloggað um fréttina

• Gunnar Heiðarsson: Frekar dapurt minni þingmannsins