„Við erum fyrst og fremst að mótmæla þessu nýja aðalskipulagi Reykjavíkurborgar,“ sagði Vignir Örn Guðmundsson, flugstjóri hjá Flugfélagi Íslands og einn aðstandenda hópsins Hjartað í Vatnsmýrinni, sem berst fyrir því að Reykjavíkurflugvöllur verði áfram í Reykjavík.

Hjartað í Vatnsmýrinni samanstendur af hópi flugmanna, lækna og verkfræðinga sem hafa þekkingu á flugmálum. Um hádegi á morgun ýta stuðningsmenn flugvallarins úr vör undirskriftasöfnun til stuðnings hans á slóðinni www.lending.is.

„Þessi gjörningur að flytja flugvöllinn úr Vatnsmýsinni stríðir gegn öryggi og heilsugæslu landsins alls, sem fólkið á rétt á. Að sama skapi er Reykjavík höfuðborg Íslands og hún hefur skyldur sem slík. Flugið er okkar samgöngukerfi í hrjóstrugu, fámennu landi án lestakerfis. Með því að leggja flugvöllinn af í áföngum munu lífsgæði landsbyggðarfólks vera skert. Þetta er hagsmunamál fyrir alla Íslendinga og engan veginn einkamál Reykvíkinga,“ segir Vignir í umfjöllun um flugvallarmálin í Morgunblaðinu í dag.

Tengdar fréttir

Reykjavíkurflugvöllur

Lögmæti og heilindi dregin í efa

• Ríkið og borgin skipta tekjum
• Borgin vill ekki hætta að spá í Hvassahraun
• Borgin hætti stuðningi við Hvassahraun
• Vill upplýsingar um kostnaðinn

» Fleiri tengdar fréttir