Vill kosningabandalög vinstriflokka

Þingmaður Vinstrihreyfingarinnar - græns framboðs vill að vinstriflokkarnir annaðvort  myndi kosningabandalög eða bjóði fram sameiginlega fyrir sveitarstjórnakosningarnar sem fram fara næsta vor. Einkum í stærri sveitarfélögum eins og á höfuðborgarsvæðinu.

Haft var eftir Árna Þór Sigurðssyni, þingmanni VG, í Ríkisútvarpinu í dag að hann teldi að þetta gæti styrkt vinstriflokkana og gert þá að raunverulegum valkosti þeirra sem aðhylltust ekki áherslur núverandi stjórnarflokka. Hann sagðist telja að vinstriflokkarnir ættu að sama skapi að samræma málflutning sinn og samstarf á Alþingi.

Flokkarnir ættu að hans mati miklu meira sameiginlegt í grundvallarsýn á uppbyggingu samfélagsins en það sem bæri á milli og þeir hagsmunir ættu að vera ríkjandi en hitt að víkja.

• 6 blogg um fréttina

Bloggað um fréttina

• Páll Vilhjálmsson: Vinstriflokkarnir, Vilmundur og skítapakkið
• Jóhann Elíasson: ÞAÐ DUGIR EKKI TIL...........
• Hreinn Sigurðsson: Einu sinni var (stofnað kosningabandalag vinstri manna)
• Gunnar Heiðarsson: Undir verndarvæng Gnarr
• Sindri Karl Sigurðsson: Hið besta mál!
• Óðinn Þórisson: NeverEndingStory vinstri - vitleysunnar