Kolbeinsey minnkar jafnt og þétt

Þyrla Landhelgisgæslunnar TF-LIF fór í gær í gæslu og eftirlitsflug um Norðvestur- og Norðurmið. M.a. var flogið yfir Kolbeinsey – útvörðinn í Norðri en þar voru tveir bátar að veiðum. Alls sáust um 20 skip á á flugleiðinni og var mikið af makríl í sjó frá Eyjafirði, Húnaflóa inn Mjóafjörð og í Faxaflóa.

Sigmaður seig niður í Kolbeinsey og skoðaði aðstæður en ekki er að sjá merki þess að í eyjunni hafi verið steyptur þyrlupallur á sínum tíma en áhöfn varðskipsins Óðins og starfsmenn Vita- og Hafnamálastofnunar byggðu þyrlupallinn árið 1989.

Síðan hefur eyjan jafnt og þétt minnkað. Landhelgisgæslan hefur reglulega fylgst með Kolbeinsey,  bæði úr skipum og flugförum en undirstöður hennar virðast lengi hafa verið mjög rýrar, samkvæmt upplýsingum frá Landhelgisgæslunni.

• 2 blogg um fréttina

Bloggað um fréttina

• Ómar Bjarki Kristjánsson: Elítustjórnin rýrir og skaðar Landið á allan hátt.
• Mofi: Sönnun þess að meginlöndin geta ekki verið hundruð miljóna ára …