Sunna ráðin aðstoðarmaður Gunnars

Sunna Gunnars Marteinsdóttir hefur verið ráðin annar aðstoðarmaður Gunnars Braga Sveinssonar utanríkisráðherra, sbr. lög um Stjórnarráð Íslands.

Sunna er 29 ára og hefur BA gráðu í almannatengslum frá University of Westminster, auk þess sem hún stundaði nám í hagnýtri menningarmiðlun í Háskóla Íslands.
Hún hefur starfað sem skrifstofustjóri þingflokks Framsóknarflokksins frá 2010 og var aðstoðarmaður kosningastjóra flokksins 2009, að því er segir í tilkynningu frá utanríkisráðuneytinu.

Sunna hefur tekið þátt í margvíslegum félagsstörfum, meðal annars í stjórn félags Íslendinga í London. Hún er í sambúð með Sigurbirni Magnúsi Gunnlaugssyni og eiga þau eina dóttur, Guðrúnu Margréti. Sunna hefur störf í ráðuneytinu í dag.

• 2 blogg um fréttina

Bloggað um fréttina

• Ómar Bjarki Kristjánsson: Framsóknarmannaflokkurinn setur mágkonu sína á jötuna.
• Jóhannes Laxdal Baldvinsson: Homo Corruptus