Greiðsluþrot fyrir norðan

Áætlunarferðir Strætó á Norður- og Norðausturlandi eru í uppnámi og greiðsluþrot blasir við Eyþingi, Sambandi sveitarfélaga í Eyjafirði, og Þingeyjarsýslum.

„Við þurfum að greiða verktakanum sem sér um keyrsluna á svæðinu 4 milljónir króna á þriðjudaginn og þeir peningar eru ekki til. Það blasir því við okkur greiðsluþrot,“ segir Geir Kristinn Aðalsteinsson, formaður Eyþings, í umfjöllun um mál þetta í Morgunblaðinu í dag.

Fundað verður með innanríkisráðherra um málið á miðvikudaginn og þingmönnum kjördæmisins á þriðjudag. „Ég vona að það finnist lausn á þessu máli sem fyrst því það liggur fyrir að ef verktakinn fær ekki greiðsluna sína á þriðjudaginn þá hættir hann allri keyrslu strax á miðvikudag.“