Samningafundi um skiptingu makrílsstofnsins lauk nú skömmu fyrir hádegi. Sigurgeir Þorgeirsson, formaður samninganefndar Íslands, segir að fundurinn hafi verið uppbyggilegur og andrúmsloftið á honum jákvætt en ekki hafi náðst nein formleg niðurstaða í makríldeiluna.

Á fundinum sátu fulltrúar Íslands, Færeyja, Noregs og Evrópusambandsins. Norðmenn og ESB krefjast þess að Íslendingar og Færeyingar dragi úr veiðum og hefur framkvæmdastjórn ESB hótað að leggja löndunarbann á fiskafurðir frá Íslandi vegna veiða þeirra á makríl.

Í samtali við mbl.is segir Sigurgeir að um óformlegan fund hafi verið að ræða. Fundurinn var uppbyggilegur, andrúmsloftið jákvætt og gefur tilefni til frekari viðræðna í framhaldinu,“ segir Sigurgeir.

Vonir eru til þess að ekki verði gripið til refsiaðgerða gagnvart Íslendingum og Færeyingum á meðan viðræður eru á þessu stigi. Næsti reglubundni fundur nefndanna verður haldinn í október í London en ekki liggur fyrir hvort fleiri undirbúningsfundnir verða haldir fyrir þann tíma.

Forsaga deilunnar er sú að makríll fór að ganga inn í lögsögu Íslands í miklu magni upp úr miðjum síðasta áratug og veiðar Íslendinga jukust mikið 2007 til 2010. Allt frá því að farið var að stjórna nýtingu makríls á vettvangi Norður-Atlantshafsfiskveiðiráðsins 1999 sóttist Ísland eftir að verða viðurkennt strandríki en var ekki samþykkt fyrr en 2010. Deilan um skiptingu stofnsins hefur staðið síðan 2008.

Tengdar fréttir

Makrílveiðar

Eining um heildarkvóta en ekki skiptingu

• Útbreiðsla makríls í íslenskri landhelgi ein sú minnsta
• „Veiðiárangur er oft spurning um heppni“
• „Þetta gengur mjög rólega og lítið um makríl“
• Fyrsti makríllinn úr íslenskri lögsögu

» Fleiri tengdar fréttir

• Blogga um frétt