Mótmæli við Gálgahraun á sunnudag
Setja bókamerki
Hraunvinir, samtök sem leggjast gegn lagningu Álftanesvegar um Gálgahraun, hafa blásið til mótmæla við hraunið á sunnudaginn. Framkvæmdir við veginn eru sagðar hefjast á næstunni.
Mótmælaganga samtakanna mun taka á aðra klukkustund og að gangan leggi af stað frá Prýðahverfi klukkan 14:00.
Í Morgunblaðinu í dag var greint frá því að ÍAV, verktakinn sem mun annast framkvæmdirnar, hafi þegar flutt vinnubúðir á staðinn og búi sig undir að hefja verkið. Sigurður R. Ragnarsson, framkvæmdastjóri hjá ÍAV, sagði að vinna við sjálfa veglagninguna hefjist á næstu dögum.
Í tilkynningu sem Hraunvinir sendur frá sér segir að „eins og kunnugt er þá hafnaði sýslumaðurinn í Reykjavík beiðni fernra umhverfisverndarsamtaka um lögbann á lagningu vegar í Gálgahrauni þar sem segir að samtökin eigi ekki lögvarða hagsmuni í málinu. Kæra vegna þessarar synjunar sýslumanns hefur þegar verið lögð fram við héraðsdóm. Ennfremur er nú rekið mál fyrir héraðsdómi á hendur vegamálastjóra til viðurkenningar á ólögmæti vegaframkvæmdanna.
Mótmælagangan á sunnudaginn er haldin í tilefni af Degi íslenskrar náttúru sem ber nú upp á mánudaginn 16. september og eru allir unnendur íslenskrar náttúru hvattir til þess leggja baráttunni gegn eyðileggingu Gálgahrauns lið.“
Dæla, kæla og verja mikilvæg mannvirki
Ekki hægt að slá gosið út af borðinu strax
Sendi nektarmyndir af dreng sem hann passaði
Formaðurinn útilokar ekki undirritun í kvöld
Unnið að hraunkælingu allan sólarhringinn
„Við vöknuðum við hljóð frá sprengingum“
Fæðuöryggi: „Áttum mat í þrjár vikur“
Vinna hefst í dag við að reisa undirstöður