Í morgun ákvað héraðsdómur Reykjavíkur að fram skyldi fara málflutningur um kröfu fjögurra umhverfisverndarsamtaka, um að leitað yrði ráðgefandi álits EFTA-dómstólsins um það hvort samtökin hefðu lögvarða hagsmuni í lögbannsmáli vegna lagningar Álftanesvegar um Gálgahraun. Þetta kemur fram í tilkynningu frá Málþingi, lögmannstofu umhverfissamtakanna.

Sýslumaðurinn í Reykjavík hafði áður vísað lögbannsbeiðni náttúruverndarsamtakanna frá á þeim grunni að þau ættu ekki lögvarða hagsmuni í málinu. Umhverfisverndarsamtökin telja hins vegar að skýr ákvæði tilskipunar um mat á umhverfisáhrifum, sem er hluti af EES-samningnum, tryggi þeim raunverulega aðkomu að málum sem þessum þegar hagsmunir náttúrunnar eru í húfi.

Málflutningur um kröfu umhverfisverndarsamtakanna fer fram í héraðsdómi Reykjavíkur næstkomandi fimmtudag.

Tengdar fréttir

Gálgahraun

„Þá er friðurinn úti“

• Skapað verði aðgengi að Ófeigskirkju
• Níumenningarnir fá ekki bætur
• Dómar Hraunavina skilorðsbundnir
• „Álfarnir sáttir á nýjum stað“

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Prófsteinn á íslenskt réttarfar og gildi laga í landinu.