Kannaður var hugur landsmanna til þess hvort Reykjavíkurflugvöllur ætti að vera áfram þar sem hann er eða fara eitthvað annað. 

82% þjóðarinnar vilja að flugvöllurinn verði áfram í Vatnsmýrinni. Gallup kannaði þetta síðast fyrir átta árum en þá vildu 55% þjóðarinnar hafa hann áfram. Stuðningurinn við óbreytta staðsetningu hefur því aukist mikið á þessum átta árum. 

73% íbúa Reykjavíkur vilja hafa hann áfram en ríflega 90% íbúa á landsbyggðinni. Konur vilja frekar hafa flugvöllinn áfram á sama stað en karlar.

90% þeirra sem eru aðeins með grunnskólapróf vilja hafa flugvöllinn áfram í Vatnsmýri, en 70% þeirra sem eru með háskólapróf. 

 Vel yfir 90% kjósenda Sjálfstæðisflokksins og Framsóknarflokksins í þingkosningunum vilja hafa hann áfram, á meðan aðeins um 60% kjósenda Samfylkingarinnar og Pírata eru sömu skoðunar.