Skipuð formaður Íbúðalánasjóðs

Eygló Harðardóttir félags- og húsnæðismálaráðherra hefur skipað nýja stjórn Íbúðalánasjóðs. Formaður stjórnarinnar er Ingibjörg Ólöf Vilhjálmsdóttir lögmaður og tekur hún við af Jóhanni Ársælssyni.

Þetta kemur fram í tilkynningu sem birt var í dag á vef Kauphallarinnar. Samkvæmt breytingum á lögum um húsnæðismál frá júlí 2012 er nú gerð krafa um að forstjóri og stjórn sjóðsins standist kröfur Fjármálaeftirlitsins um hæfi.

Stjórn Íbúðalánasjóðs er skipuð eftirtöldum fulltrúum:

Ingibjörg Ólöf Vilhjálmsdóttir, lögmaður, formaður stjórnar

Hrund Hafsteinsdóttir, lögmaður, varaformaður

Haukur Ingibergsson, f.v. forstjóri Þjóðskrár Íslands, aðalmaður

Kristrún Heimisdóttir, lektor í lögfræði við Háskólann á Akureyri, aðalmaður

Stefán Ólafsson, prófessor félagsvísindadeild HÍ, aðalmaður

Til vara:

Kristinn Dagur Gissurarson, viðskiptafræðingur

Jóhann Birgisson, bankamaður

Halldóra Hauksdóttir, lögfræðingur

Margrét Rósa Sigurðardóttir, framhaldsskólakennari

G. Valdimar Valdimarsson, kerfisfræðingur

Ingibjörg útskrifaðist með meistaragráðu (LL.M) í alþjóða- og samanburðarlögfræði frá George Washington University Law School árið 2003. Ingibjörg tók lögmannsréttindi hjá Lögmannafélagi Íslands árið 2000. Hún lauk embættisprófi í lögfræði frá Háskóla Íslands vorið 1998. Ingibjörg er sjálfstætt starfandi lögmaður og einn af stofnendum og eigendum lögmannsstofunnar Land lögmenn.

• 1 blogg um fréttina

Bloggað um fréttina

• Júlíus Már Baldursson: Og var hún skipuð......