„Þetta leggst mjög vel í fólk hér innan spítalans, afskaplega vel. Páll hefur verið að stýra geðsviðinu og hefur verið mjög framsýnn, haft skýra framtíðarsýn, og hefur verið að gera mjög góða hluti þar,“ segir Eygló Ingadóttir, hjúkrunarfræðingur og formaður Hjúkrunarráðs Landspítalans, í samtali við mbl.is um þá ákvörðun Kristjáns Þórs Júlíussonar, heilbrigðisráðherra, að skipa Pál Matthíasson settan forstjóra sjúkrahússins.

„Það hafa verið gerðar miklar og mjög ánægjulegar breytingar á geðsviðinu á undanförnum árum og fólk hefur verið mjög ánægt með hans störf. Þannig að ég held að hér innanhúss sé fólk afskaplega ánægt með þessa niðurstöðu. Hún hefði varla getað verið betri. Það er auðvitað fullt af hæfu fólki en við erum mjög ánægð með þetta,“ segir hún ennfremur. „Hann hefur verið að standa sig gríðarlega vel og er með þessa skýru sýn sem ég vona að hann geti nýtt fyrir Landspítalann.“

Frétt mbl.is: Páll forstjóri Landspítalans

Tengdar fréttir

Niðurskurður á Landspítala

800 milljóna halli Landspítala

• Hætta á mistökum í miklu álagi
• Hugur forstjóra LSH hjá aðstandendum
• Bráðalausn á vanda bráðamóttöku ekki til
• Fjársvelt heilbrigðiskerfi pólitísk ákvörðun

» Fleiri tengdar fréttir

• 1 blogg um fréttina

Bloggað um fréttina

• Elsabet Sigurðardóttir: Ef hann hefði komið fyrr!