Átta sóttu um stöðu sóknarprests

Átta manns sóttu um embætti sóknarprests í Staðastaðarprestakalli í Vesturlandsprófastsdæmi sem auglýst var laust til umsóknar nýlega en séra Guðjón Skarphéðinsson hefur verið prestur þar frá árinu 1995. Umsóknarfrestur rann út 26. september síðastliðinn.

Umsækjendur eru:

• Arnaldur Máni Finnsson, guðfræðingur
• Séra Bára Friðriksdóttir
• Davíð Þór Jónsson, guðfræðingur
• Elín Salóme Guðmundsdóttir, guðfræðingur
• Jóhanna Magnúsdóttir, guðfræðingur
• Ólöf Margrét Snorradóttir, guðfræðingur
• Páll Ágúst Ólafsson, guðfræðingur
• Séra Ursula Árnadóttir

Á heimasíðu Þjóðkirkjunnar kemur fram að sóknarbörn í Staðastaðarprestakalli hafi farið fram á almenna prestskosningu í prestakallinu í stað þess að valnefnd velji sóknarprestinn. Slíkt er leyfilegt ef þriðjungur atkvæðisbærra sóknarbarna í prestakallinu fer fram á það.

Kosning fer fram laugardaginn 2. nóvember 2013 í félagsheimilinu Breiðabliki í Eyja- og Miklaholtshreppi.

Í Staðastaðarprestakalli eru sex sóknir, Staðarhraunssókn, Kolbeinsstaðasókn, Fáskrúðarbakkasókn, Staðastaðarsókn, Búðasókn og Hellnasókn.

Kirkjan á Staðarstað mbl.is/Sigurður Bogi

• 1 blogg um fréttina

Bloggað um fréttina

• Jóhanna Magnúsdóttir: Staðastaðarprestakallið kallar á okkur átta ...