Hvít jörð á Akureyri

Það er hálka á Akureyri en þar snjóaði í nótt líkt og víðar á Norðausturlandi. Vegagerðin varar við hálku víða um land en samkvæmt spá Veðurstofunnar verður vindur að norðan í dag.

Skíðafólk gleðst væntanlega en stefnt er að því að opna skíðasvæðið í Hlíðarfjalli 30. nóvember og hafa opið til aprílloka.

Veðurspá næsta sólarhringinn

Norðlæg átt 5-13 norðantil í dag og lítilsháttar él, en austlægari og smáskúrir sunnanlands. Bjart að mestu á Vesturlandi. Hvessir með suðausturströndinni í nótt, með úrkomu en dregur úr vindi víðast hvar á morgun og rofar til. Hiti 0 til 6 stig, mildast syðst, en nálægt frostmarki fyrir norðan.

• 1 blogg um fréttina

Bloggað um fréttina

• Óðinn Þórisson: Akureyringar vilja Flugvöllinn Áfram í Vatnsmýrinni