Velta erlendra greiðslukorta hefur aldrei verið meiri

Veltan af erlendum greiðslukortum hér á landi eykst ár frá ári og var í júlí sl. sett met í því efni.

Veltan í júlí var 14.983 milljónir króna og er samanlögð velta af erlendu kortunum hér ríflega 67 milljarðar á fyrstu 8 mánuðum ársins, að því er fram kemur í Morgunblaðinu í dag.

Það er um 17 milljörðum króna meiri velta en af íslenskum greiðslukortum erlendis á sama tímabili. Forstjóri Borgunar segir erlendu kortin breyta miklu.