„Stórfengleg norðurljós - eða þannig“

Augljós vonbrigði eru meðal þeirra sem fóru út í kvöld til að fylgjast með norðurljósum yfir höfuðborgarsvæðinu. „Stófengleg norðurljós yfir Úlfarsfelli í kvöld - eða þannig,“ skrifar einn lesandi mbl.is og sendi meðfylgjandi mynd af „dýrðinni“.

Fáir voru að stara til himins í miðbæ Reykjavíkur í kvöld er ljósmyndari mbl.is átti þar leið um. Það var þó myrkur í bænum þar sem Reykjavíkurborg, sem og fleiri sveitarfélög, ákváðu að slökkva á götuljósum svo að áhugasamir gætu séð norðurljósin. Þau virðast hins vegar hafa verið bak við skýin í kvöld.

• 1 blogg um fréttina

Bloggað um fréttina

• Ómar Ragnarsson: Eina skýjaða kvöldið valið?