„Við viljum ekki makrílstríð en við viljum heldur ekki samkomulag sama hvað það kostar. Ef við vinnum saman er samkomulag mögulegt,“ segir Maria Damanaki, sjávarútvegsstjóri Evrópusambandsins, í fréttatilkynningu frá framkvæmdastjórn sambandsins vegna fundar sjávarútvegsráðherra sambandsins í Lúxemburg í dag þar sem meðal annars var rætt um makríldeiluna.

Haft er eftir Damanaki á færeyska fréttavefnum Portal.fo að hún sé bjartsýn á að samkomulag náist bráðlega á milli strandríkjanna við Norðaustur-Atlantshafið um makrílveiðar á næsta ári. Það hafi hún sagt eftir fundinn í ráðherraráðinu í dag. Framkvæmdastjórn Evrópusambandsins myndi hins vegar standa vörð um hagsmuni sambandsins í málinu.

Ennfremur er haft eftir Jacob Vestergaard, sjávarútvegsráðherra Færeyja, að Færeyingar ætli ekki að sætta sig við 12% hlutdeild í makrílkvótanum líkt og framkvæmdastjórnin hefur gert að tillögu sinni. Hugmynd hennar er að Íslendingum verði boðin 11,9% en til þessa hafa íslensk stjórnvöld gert kröfu um 16-17%.

Vestergaard segir að Færeyingar vilji sem fyrr 15% en vilji Evrópusambandið ekki fallast á gagnkvæmar veiðar í lögsögum strandríkjanna eins og gjarnan er samið um í samningum um deilistofna ætli þeir að gera kröfu um 23%. Fundað verður um makríldeiluna í London 23.-24. október næstkomandi.

Jacob Vestergaard, sjávarútvegsráðherra Færeyja.

Tengdar fréttir

Makrílveiðar

130 þúsund tonna upphafskvóti í makríl

• Fá að færa 25% makrílkvótans á næsta ár
• Eining um heildarkvóta en ekki skiptingu
• Leggur til 22% lækkun á makrílveiðum
• Útbreiðsla makríls í íslenskri landhelgi ein sú minnsta

» Fleiri tengdar fréttir

• 2 blogg um fréttina

Bloggað um fréttina

• Helgi Þór Gunnarsson: Eðlislega vilja þeir það ekki!!!!!
• Samtök um rannsóknir á ESB ...: Rétt svar Færeyinga við fráleitu "tilboði" Evrópusambandsins