„Maður getur alltaf átt á hættu að tapa“

„Ég vil nú fyrst og fremst óska henni til hamingju og ég vona að henni gangi vel. Alla vega ekki síður en mér,“ segir Guðmundur Magnússon, fráfarandi formaður Öryrkjabandalags Íslands, en hann beið lægri hlut fyrir Ellen Calmon í formannskosningum á aðalfundi félagsins í dag. 

„Það er bara svona með kosningar, maður getur alltaf átt á hættu að tapa,“ segir Guðmundur en kosningarnar voru mjög jafnar. „Ég held að áherslumunurinn á okkur hafi meðal annars verið sá að ég held að henni finnist ég fullharður. Henni finnst mig kannski vanta smálipurð í samningagerð og svoleiðis. Einstrengingslegur, jafnvel. En síðustu fimm ár hafa verið rosalega erfið. Það hefur ekki gengið mikið gagnvart stjórnvöldum, þau hafa ekki verið okkur mjög hliðholl.“ 

Sjá einnig:

• 1 blogg um fréttina

Bloggað um fréttina

• Guðjón Sigþór Jensson: Drengilegur fallinn formaður