Rekstur Landspítalans á hjúkrunardeild á Vífilsstöðum á að vera tímabundinn. Áætlað er að deildin taki til starfa 20. nóvember næstkomandi og á að endurskoða rekstur hennar eftir hálft ár og kanna möguleika á öðru rekstrarformi eða öðrum rekstraraðilum.

Hildur Helgadóttir er verkefnastjóri yfir flutningunum á Vífilsstaðaspítala. Hún segir að engar ákvarðanir hafi verið teknar um hvað verður gert að sex mánuðum liðnum en það sé vissulega í skoðun að bjóða starfsemina út eða láta aðra stofnun taka að sér reksturinn.

„Spítalinn á ekki að þurfa að reka svona starfsemi og ég vona að þetta verði tímabundin lausn,“ segir Hildur. Í sama streng taka forstjórar tveggja hjúkrunarheimila í umfjöllun um starfsemina á Vífilsstaðaspítala í Morgunblaðinu í dag. Þeir telja það ekki í verkahring Landspítalans að reka hjúkrunarheimili.

Tengdar fréttir

Niðurskurður á Landspítala

800 milljóna halli Landspítala

• Hætta á mistökum í miklu álagi
• Hugur forstjóra LSH hjá aðstandendum
• Bráðalausn á vanda bráðamóttöku ekki til
• Fjársvelt heilbrigðiskerfi pólitísk ákvörðun

» Fleiri tengdar fréttir