Segjast ekki treysta bönkum en halda tryggð við þá

Íslendingar hafa haldið tryggð við viðskiptabankann sinn þrátt fyrir að traust almennings til banka hafi fallið verulega eftir hrun.

Hlutfall þeirra sem skipta um banka er innan allra eðlilegra marka að mati dr. Þórhalls Guðlaugssonar, dósents í viðskiptafræði við Háskóla Íslands.

Þórhallur og Sandra María Sævarsdóttir, meistaranemi og starfsmaður Arion banka, kynntu rannsókn sína á viðhorfi almennings til banka á ráðstefnu félagsvísindasviðs Háskóla Íslands sl. föstudag sem nefnist Þjóðarspegill, en fjallað er um rannsóknina í Morgunblaðinu í dag.