Gjörbreytt staða í Reykjavík

„Meini Jón Gnarr það sem hann segir hefur hann með einu útvarpsviðtali gjörbreytt stjórnmálaviðhorfum í Reykjavík,“ segir Styrmir Gunnarsson, fyrrverandi ritstjóri Morgunblaðsins. Hann telur að með samruna Besta flokksins og Bjartrar framtíðar styrkist vígstaða Sjálfstæðisflokksins en Samfylkingar veikist.

Styrmir skrifar um tíðindi dagsins á Evrópuvaktina. Hann segir að ef taka beri yfirlýsingar Jóns Gnarr borgarstjóra alvarlega sé ljóst að yfirlýsing hans, um að hann gefi ekki kost á sér á ný til borgarstjórnar og að Besti flokkurinn renni saman við Bjarta Framtíð, muni gjörbreyta stöðu mála í borgarstjórnarkosningunum næsta vor.

„Í fyrsta lagi er ljóst að Jón Gnarr nær til fólks á annan veg en nokkur annar í Bezta flokknum gerir eða hefur gert. Og jafnframt að aðrir flokkar hafa ekki boðið upp á frambjóðanda, sem hefur náð eða nær til fólks með sama hætti.

Í öðru lagi fer ekki á milli mála að um leið og Bezti flokkurinn rennur saman við Bjarta framtíð er orðinn til alvarlegur keppinautur við Samfylkingu á miðju-vinstri kanti stjórnmálanna, sem getur orðið henni skeinuhættur,“ segir Styrmir.

Jón Gnarr Eva Björk Ægisdóttir

• 5 blogg um fréttina

Bloggað um fréttina

• Heimir Lárusson Fjeldsted: Fátt um fögnuð
• Eyjólfur Jónsson: Það er klárt að ef Besti Flokkurinn rennur inn í …
• Ívar Pálsson: Tími fyrir markvisst Sjálfstæðisfólk
• Wilhelm Emilsson: Björt framtíð?
• Guðjón Sigþór Jensson: Sundurlyndi vinstri manna hefur verið vatn á myllu Sjálfstæðisflokksins