Ófært til Eyja

Ekki er hægt að fljúga til Vestmannaeyja vegna veðurs, samkvæmt upplýsingum frá flugfélaginu Erni. Flug til Ísafjarðar er í athugun, samkvæmt upplýsingum frá Flugfélagi Íslands.

Annað flug er á áætlun hjá Flugfélagi Íslands. Fyrstu ferð Herjólfs frá Vestmannaeyjum hefur verið aflýst vegna veðurs en í Vestmannaeyjum hefur vindurinn farið yfir 30 metra á sekúndu í verstu hviðum í morgun.

Samkvæmt upplýsingum frá lögreglunni í Vestmannaeyjum er hvasst og slydda í Eyjum en skólahald er þar með eðlilegum hætti sem og allt annað athafnalíf í Eyjum fyrir utan samgöngur til og frá landi.

Hvassast er undir Eyjafjöllum en samkvæmt sjálfvirkri veðurathugunarstöð Vegagerðarinnar við bæinn Hvamm hefur vindur farið í 44 metra á sekúndu í hviðum. Undir Reynisfjalli er einnig mjög hvasst eða tæpir 40 metrar á sekúndu í hviðum.

• 1 blogg um fréttina

Bloggað um fréttina

• Pálmi Freyr Óskarsson: Leiðréttng: Vindhviða hefur farið nákvæmlega í 42 m/s í Vestm.....