Flestir vilja þjóðarsátt á vinnumarkaði
Setja bókamerki
Ný könnun Capacent Gallup fyrir Samtök atvinnulífsins leiðir í ljós að 66,3% landsmanna, eða tveir af hverjum þremur eru hlynntir því að gerð verði þjóðarsátt á vinnumarkaði, þar sem lögð yrði meiri áhersla á stöðugt verðlag og stöðugt gengi krónunnar en í stað þess lögð minni áhersla á launahækkanir. Tæp 17% landsmanna eru andvíg þessari leið og jafn stór hópur er hvorki hlynntur né andvígur slíkri þjóðarsátt.
Spurt var eftirfarandi spurningar:
Ert þú hlynnt(ur) eða andvíg(ur) gerð þjóðarsáttar/samnings milli stéttarfélaga, atvinnurekenda og stjórnvalda þar sem lögð yrði meiri áhersla á stöðugt verðlag og stöðugt gengi krónunnar en í stað þess lögð minni áhersla á launahækkanir.
Helmingur svarenda var spurður um gerð samnings milli stéttarfélaga, atvinnurekenda og stjórnvalda en hinn helmingur svarenda var spurður um afstöðu til þjóðarsáttar milli fyrrnefndra aðila. Ekki reyndist marktækur munur á svörum eftir því hvort spurt var um þjóðarsátt eða samning.
19,1% sögðust vera alfarið hlynnt að þessi leið væri farin, 21,3% mjög hlynnt, 25,9% frekar hlynnt, 16,8% svöruðu hvorki hlynnt né andvíg, 9,3% sögðust frekar andvíg, 4,1% mjög andvíg og 3,5% alfarið andvíg.
Könnunin fór fram 10.-27. október en um var að ræða netkönnun. Könnunin var send til 2.950 manns á öllu landinu, 18 ára og eldri sem voru handahófsvaldir úr Viðhorfahópi Capacent Gallup. Fjöldi svarenda var 1.771 og svarhlutfall því 60%. Af þeim tóku 86,5% afstöðu til spurningarinnar.
Erlendir miðlar greina frá tíunda gosinu
/frimg/1/53/5/1530526.jpg)
Yfirvöld láta ekkert uppi: Sænsk herskip kölluð út
Einar skorar á næstu ríkisstjórn
Leyfa akstur um Vonarskarð eftir 14 ára deilur
Á algjöru frumstigi eftir þrjár vikur af verkfalli
Átti ekki að láta pirring bitna á sjúklingi
Tekist á um áður óþekkta skýrslu landlæknis
Sáu eldgosið brjótast út frá Snæfellsnesi