Fálki einn hefur að undanförnu vanið komur sínar á hafnarbakkann við Dalvík, hafnarstarfsmönnum til nokkurrar gleði. Síðustu árin hefur verið krökkt af máfum við höfnina, en síðustu daga hafa þeir varla sést á svæðinu Telja má líklegt að máfarnir óttist fálkann, en einn þeirra fékk að kenna á honum í gær.

Í gær greip fálkinn máf einn á flugi og lenti með hann á hafnarbakkanum. Að sögn Hilmars Hennings Heimissonar, starfsmanns Landflutninga-Samskipa, hélt fálkinn máfinum niðri og drap hann með að hakka máfinn í sig. Hann tók myndskeið af fuglunum og komst hann í eins metra fjarlægð frá þeim.

„Fálkinn heldur máfunum í burtu, við tökum honum fagnandi,“ segir Hilmar.

Fálkinn gleypir í sig máfinn.

Tengdar fréttir

Íslenska dýraríkið

Búast við 10 þúsund pysjum í ár

• Gæsahópur stöðvaði umferð um fjölfarin gatnamót
• Velja íslenskt hafsvæði í stað þess karabíska
• „Verulega óvenjulegt og ótrúlega merkilegt“
• „Fer að verða eins og heimilisköttur“

» Fleiri tengdar fréttir

• 1 blogg um fréttina

Bloggað um fréttina

• Frikkinn: Fljúgandi rottur