Vill vita um samningsafstöðu Íslands

Þingmaður Sjálfstæðisflokksins hefur óskað eftir því við Gunnar Braga Sveinsson, utanríkisráðherra, að hann upplýsi hvort samningsafstaða hafi legið fyrir af hálfu Íslands vegna umsóknarinnar um inngöngu í Evrópusambandið í sjávarútvegsmálum, landbúnaðarmálum, byggðamálum og gjaldmiðilsmálum.

Vilhjálmur Bjarnason spyr utanríkisráðherra í skriflegri fyrirspurn hvort vinna hafi verið hafin við gerð samningsmarkmiða vegna aðildarviðræðna við Evrópusambandið í áðurnefndum málaflokkum. Ef svo sé hve langt sú vinna hafi verið komin í hverjum málaflokki fyrir sig, hver samningsmarkmiðin hafi verið og hvort au hefðu verið kynnt fyrir Evrópusambandinu.

Hafi samningsmarkmiðin ekki verið tilbúin í einhverjum af málaflokkunum óskar Vilhjálmur eftir því að gerð verði opinber síðustu drög undirnefnda í málaflokkunum eins og þau voru kynnt aðalsamninganefnd.

Fyrirspurn Vilhjálms Bjarnasonar

• 1 blogg um fréttina

Bloggað um fréttina

• Gunnar Heiðarsson: Er Vilhjálmur Bjarnason ekki með á nótunum ?