Ásmundur aðstoðarmaður Sigmundar

Sigmundur Davíð Gunnlaugsson forsætisráðherra hefur í dag ráðið Ásmund Einar Daðason, alþingismann og formann hagræðingarhóps ríkisstjórnarinnar, sem aðstoðarmann sinn. Ásmundur mun starfa samhliða Jóhannesi Þór Skúlasyni núverandi aðstoðarmanni forsætisráðherra. Þetta kemur fram í frétt frá forsætisráðuneytinu.
 
Um tímabundna ráðningu er að ræða og mun Ásmundur m.a. halda utan um ýmis verkefni sem forsætisráðherra vinnur að, sjá um að samhæfa verkefni milli ráðuneyta og fylgja eftir tillögum hagræðingarhóps ríkisstjórnarinnar. Ásmundur mun áfram sinna þingstörfum og þiggur engin laun né önnur fríðindi fyrir störf sín fyrir forsætisráðherra. Hann mun hefja störf frá og með deginum í dag. 

• 4 blogg um fréttina

Bloggað um fréttina

• Ómar Geirsson: Klúður um klúður.
• Magnús Helgi Björgvinsson: Auðsjáanleg ekkert að gera hjá þingmönnum Framsóknar!
• Páll Vilhjálmsson: Ásmundur Einar aðstoðarforsætisráðherra
• Jón Ingi Cæsarsson: Þingmaður á spena framkvæmdavaldsins.