Stefnir í hallarekstur allra framhaldsskóla árið 2014

Ársæll Guðmundsson, formaður Skólameistarafélags Íslands, segir að framlög til framhaldsskóla hafi verið skorin kerfisbundið niður og búið sé að taka 12 milljarða út úr framhaldsskólakerfinu frá 2008.

Yfir 70% framhalsskóla hafi skilað hallarekstri 2012 og gert sé ráð fyrir að þessi tala verði komin yfir 80% í ár. „Verði engin breyting endar það með því að nánast allir framhaldsskólar verða reknir með halla á árinu 2014,“ segir Ársæll.

Kennarar hækka í launum eftir starfsaldri. Ársæll bendir á að engu fjármagn hafi verið veitt til að mæta þessum útgjöldum frá hruni, að því er fram kemur í Morgunblaðinu í dag.