Krefst svara um leiðréttingar
Setja bókamerki
Árni Páll Árnason, formaður Samfylkingar, hefur lagt fram fyrirspurn til Sigmundar Davíðs Gunnlaugssonar forsætisráðherra um tillögur ríkisstjórnarinnar til að lækka höfuðstól verðtryggðra húsnæðislána. Fer Árni Páll fram á sundurliðun á því hverjum aðgerðirnar gagnist mest.
Árni Páll óskar skriflegs svars við fyrirspurninni sem er í níu liðum.
Í fyrsta lagi spyr Árni Páll hversu stór hluti fyrirhugaðrar niðurfærslu lendir hjá framteljendum þar sem skuldahlutfall (hlutfall húsnæðisskulda af fasteignamati íbúðarhúsnæðis) miðað við framtal er undir 100%.
„Hversu stór hluti lendir hjá framteljendum með undir 80% sem er algengt lánshlutfall nú? Hversu stór hluti niðurfærslunnar lendir hjá þeim þar sem skuldahlutfall er undir 50%? Óskað er sundurliðunar á upphæð niðurfellingar og fjölda heimila sem fá niðurfellingu eftir tíundahlutum skuldahlutfalls (0–10%, 10–20%, o.s.frv.),“ skrifar Árni Páll í fyrirspurninni.
Hvað falla margir undir 20% tekjuviðmið?
Í öðru lagi spyr hann hversu stór hluti niðurfærslunnar lendir hjá framteljendum þar sem greiðslubyrði er undir 20% af tekjum sem sé algengt viðmið nú við veitingu húsnæðislána.
Í þriðja lagi spyr hann hversu stór hluti niðurfærslunnar lendir hjá þeim framteljendum sem hafa tekjur yfir meðallagi. „Hversu stór hluti lendir hjá þeim sem hafa tekjur í efsta fimmtungi tekjuskattsstofns? Óskað er sundurliðunar á upphæð niðurfellingar og fjölda heimila sem fá niðurfellingu eftir tíundum tekjubila (0–10%, 10–20%, o.s.frv.),“ skrifar Árni Páll.
Hverjar eru skuldirnar að meðtali?
Í fjórða lagi spyr Árni Páll hversu margir af þeim þar sem skuldahlutfall er yfir 100% komast undir 100% með niðurfærslunni. „Hvert er meðaltalsskuldahlutfall þeirra sem eru yfir 100% fyrir og eftir aðgerð?“ spyr hann.
Í fimmta lagi spyr Árni Páll hversu margir af þeim sem eru með greiðslubyrði yfir 20% af ráðstöfunartekjum komast undir 20% með niðurfærslunni. Hann spyrt hver sé meðaltalsgreiðslubyrði þeirra sem eru með 20% eða hærri greiðslubyrði fyrir og eftir aðgerðina.
Í sjötta lagi spyr formaður Samfylkingarinnar hversu margir af þeim sem eru með greiðslubyrði yfir 30% af ráðstöfunartekjum komast undir 30% með niðurfærslunni.
Hvað eru margir í alvarlegum skuldavanda
Í sjöunda lagi spyr hann hversu margir eru í alvarlegum skuldavanda, þ.e. með skuldir umfram 100% virði íbúðarhúsnæðis. „Hversu miklar eru skuldir þeirra umfram 100% í fjárhæðum? Hvað eru þeir með stóran hluta húsnæðisskuldanna? Hvernig dreifist þessi hópur á tekjuskalann? Hversu margir í þessum hópi eru með greiðslubyrði umfram 20% af tekjum?“ spyr Árni Páll.
Í áttunda lagi spyr hann hvað margir séu í greiðsluvanda, t.d. með greiðslubyrði umfram 30% af tekjum. „Hvernig er skuldsetning þeirra, meðalskuld, skuldir í hlutfalli við fasteignamat íbúðarhúsnæðis?“ spyr formaðurinn.
Í níunda og síðasta lagi spyr Árni Páll hvort skuldavandinn sé mismunandi eftir fjölskylduformi, mælt miðað við skuldahlutfall og greiðslubyrði. „Hverju breyta boðaðar aðgerðir þar um?“ spyr Árni Páll Árnason í fyrirspurninni til forsætisráðherra.
Fyrirspurnina má nálgast hér.
Ekki hægt að slá gosið út af borðinu strax
Fæðuöryggi: „Áttum mat í þrjár vikur“
Fundur hafinn hjá kennurum, ríki og sveitarfélögum
Íslensk kona handtekin á Tenerife eftir líkamsárás
Falskur fyrirvari á auglýsingum Höllu
Dæla, kæla og verja mikilvæg mannvirki
„Við vöknuðum við hljóð frá sprengingum“
Heimildarmenn tala um hápólitískt drama