Stúlka féll á eldhúshníf

Tíu ára stúlka liggur á gjörgæsludeild Landspítalans eftir slys í heimahúsi í Kiðjabergi í Grímsnesi í gærkvöldi. Stúlkan var uppi á borði í eldhúsi heimilisins þegar hún féll aftur fyrir sig og á uppþvottavél sem stóð opin. Í hnífaparastandi var eldhúshnífur sem stakkst í vinstra herðablað hennar.

Samkvæmt upplýsingum frá lögreglunni á Selfossi missti stúlkan mikið blóð og annað lungað féll saman. Henni var ekið til móts við sjúkrabíl sem kom frá Selfossi og flutt á Landspítalann. Líðan stúlkunnar er eftir atvikum en hún er ekki talin í lífshættu.

• 2 blogg um fréttina

Bloggað um fréttina

• Ómar Ragnarsson: Enginn ræður alveg við óheppnina.
• ÞJÓÐARSÁLIN: Beittir hnífar og uppþvottavélin