Tillagan flutt af „pólitískri skemmdarfýsn“

„Öllum sem er annt um öryggi Íslands sjá að tillaga Ögmundar var flutt af pólitískri skemmdarfýsn. Samþykkt hennar hefði stórskaðað hagsmuni Íslands og gert þjóðina endanlega marklausa í öllum umræðum um öryggismál.“

Þetta segir Björn Bjarnason, fyrrverandi dómsmálaráðherra, á heimasíðu sinni í kvöld og vísar þar til þess að Ögmundur Jónasson, þáverandi innanríkisráðherra, hafi í tíð síðustu ríkisstjórnar viljað spara 500 milljónir króna með því að hætta allri NATO-tengdri starfsemi á vegum ráðuneytis síns. Össur Skarphéðinsson, þáverandi utanríkisráðherra, hafi hins vegar haft betur í þeim efnum við ríkisstjórnarborðið. Vísar Björn í þeim efnum í nýútkomna bók Össurar sem byggð er á dagbókarfærslum hans.

„Ögmundur skýrði aldrei frá þessari sparnaðartillögu sinni opinberlega og hún hefur legið í þagnargildi fram að útgáfu bókar Össurar,“ segir Björn og þykir einkennilegt að enginn sem fjallað hafi um bókina hafi minnst á deilur um NATO innan ríkisstjórnar Jóhönnu Sigurðardóttur.

• 1 blogg um fréttina

Bloggað um fréttina

• Ómar Ragnarsson: Ósætti í vinstri stjórn um NATO er 57 ára gamalt …