Vetrarfærð í öllum landshlutum

Vetrarfærð er líkt og undanfarna daga í öllum landshlutum og víða éljagangur á Norður- og Norðausturlandi. Flughálka er nú í Þistilfirði, hálka á Hellisheiði og hálkublettir og skafrenningur á Sandskeiði en annars er hálka, hálkublettir eða snjóþekja mjög víða á Suðurlandi, sérstaklega í uppsveitum.

Vestanlands og á Vestfjörðum er hálka, hálkublettir eða snjóþekja á flestum leiðum. Ófært er á Dynjandisheiði og Hrafnseyrarheiði. Áframhaldandi hálka, hálkublettir eða snjóþekja er svo á Norðurlandi og éljagangur nokkuð víða.

Austanlands er hálka eða snjóþekja á flestum leiðum og einnig skafrenningur á Möðrudalsöræfum. Ófært er á Breiðdalsheiði og þungfært á Öxi. Hálka, hálkublettir eða snjóþekja eru svo áfram með suðausturströndinni.

• 1 blogg um fréttina

Bloggað um fréttina

• Pálmi Freyr Óskarsson: Veðrið í Vestm. 08.12.2013: