Vill leysa makríldeiluna fyrir áramót
Setja bókamerki
Evrópusambandið bindur vonir við að hægt verði að leysa makríldeiluna á milli sambandsins og Noregs annars vegar og Íslands og Færeyja hins vegar í þessum mánuði. Þetta sagði José Manuel Barroso, forseti framkvæmdastjórnar Evrópusambandsins, fyrir helgi á blaðamannafundi með Ernu Solberg, forsætisráðherra Noregs.
„Við teljum að það sé tækifæri núna þar til í lok ársins og við ættum að notfæra okkur það saman,“ sagði Barroso samkvæmt fréttavef bandaríska viðskiptablaðsins Wall Street Journal. Tveir samningafundir hafa farið fram vegna deilunnar síðan í september en auk þess hafa farið fram tvíhliða fundir pólitískra forystumanna ríkjanna.
Haft er eftir ónafngreindum talsmanni Evrópusambandsins í fréttinni að gert sé ráð fyrir að ríkin fundi aftur um málið fyrir áramótin.
Varnargarðar hækkaðir um 3 til 4 metra
77 ár á milli þess elsta og yngsta
„Sá vegur er bæði háll og myrkur“
Gasmengun gæti borist yfir höfuðborgarsvæðið
Ökumaður í símanum valdur að umferðarslysi
„Höfum sloppið bærilega með skaða af þessu gosi“
„Við höldum áfram þangað til við erum búin“