Spá óveðri yfir jóladagana

Veðurstofan sendi í morgun frá sér viðvörun vegna óveðurs sem reiknað er með að gangi yfir um jólin.

Spáð er norðanhvassviðri eða stormi víða um land á aðfangadag, jóladag og fram á annan í jólum. Vindhraði verður á bilinu 15-23 m/s. Veðrinu fylgir talsverð snjókoma og skafrenningur á Norður- og Austurlandi og því hætt við að færð spillist á þeim slóðum.

Vegagerðin bendir á að núna sé stormur og hríð á fjallvegum á Vestfjörðum. Víðast um landið verður væg þíða á láglendi í dag og við þær aðstæður blotnar í snjó og klaka á vegum og flughált verður.

Sjá nánar á veðurvef mbl.is.

• 1 blogg um fréttina

Bloggað um fréttina

• Haraldur Haraldsson: Spá óveðri yfir jóladagana:Elskulegt fólk farið varlega þetta veður ekki …