Drífandi, stéttarfélag í Vestmannaeyjum, skrifaði ekki undir fyrirliggjandi kjarasamninga í gær. Félagið segir að samningurinn og samkomulagið við ríkisstjórnina geri ekkert annað en auka enn misskiptinguna í þjóðfélaginu. 

Þetta kemur fram í yfirlýsingu sem Drífandi hefur sent frá sér vegna endurnýjar kjarasamninganna í gær.

Hún er svohljóðandi:

Drífandi stéttarfélag skrifaði ekki undir fyrirliggjandi kjarasamninga. Fyrir því liggja ótal ástæður en nefna má eftirfarandi:

• Launahækkanir skiptast afar óréttlátt niður. Þeir sem hafa lægst laun fá fæstar krónur en þeir sem mest hafa fyrir, fá mestu hækkanirnar.
• Einnig fá þeir sem minnst hafa launin alls engar skattalækkanir en þeir sem mest hafa launin fá mestu skattalækkanirnar.
• Ekkert er tekið á getu útflutningsatvinnugreinanna til að greiða starfsfólki sínu mun meiri launahækkanir en samningurinn innifelur, reyndar eru svo litlar hækkanir að gert er grín að.
• Samningur þessi og samkomulagið við ríkisstjórnina gerir ekkert annað en auka enn misskiptinguna í þjóðfélaginu. Hinir efnameiri verða enn efnameiri, eignir munu safnast á fárra hendur og láglaunafólk er skilið eftir með örfáar krónur.
• Samningurinn felur einnig í sér ákvæði um að þær starfgreinar sem eftir á að semja um taki sömu smánarkjörum og bindur þær í klafa lágra launa. Telur Drífandi stéttarfélag sig algjörlega óbundið af því ákvæði.
• Drífandi þakkar félögunum sínum innan Starfsgreinasambandsins fyrir samvinnuna og vinnuna í aðdraganda samninganna. En því miður er niðurstaðan úr þeirri vinnu óásættanleg fyrir launafólk á Íslandi og því ekki hægt að skrifa undir samninginn.

Tengdar fréttir

Kjarasamningar SA og ASÍ

Verkalýðshreyfingin tilbúin ef aðrir verða það

• Vilja skoða sameiginleg samningsmarkmið
• Viðburðarík vika fram undan í deilunni
• Forseti ASÍ: Engin pressa frá Eflingu
• Vinir Kópavogs láta ekki deigan síga

» Fleiri tengdar fréttir

• 2 blogg um fréttina

Bloggað um fréttina

• Sigurður Haraldsson: Skíthús!
• Þórir Kjartansson: Gott hjá Vestmannaeyingum