Forystumenn ríkisstjórnar Samfylkingar og Vinstri grænna voru andvígir hugmyndum nokkurra þingmanna Samfylkingar um aðgerðir í þágu skuldugra heimila og átti það þátt í að þær fengu aldrei brautargengi hjá stjórninni.

Þetta segir Össur Skarphéðinsson, þingmaður Samfylkingar og utanríkisráðherra í síðustu stjórn. Steingrímur J. Sigfússon, fv. formaður VG, afþakkaði að heyra endursögn á ummælum Össurar um málið í þættinum Sprengisandi.

„Í fyrsta lagi heyrði ég ekki hvað Össur Skarphéðinsson var að tala um. Í öðru lagi ætla ég ekki að láta toga mig út í það að fara að taka þátt í rökræðum við einhverja sem vilja búa til þá mynd af sér að þeir hafi viljað vera betri en aðrir í fyrrverandi ríkisstjórn,“ sagði Steingrímur, en fjallað er um mál þetta í Morgunblaðinu í dag.

Tengdar fréttir

Skuldaleiðréttingar ríkisstjórnarinnar

Leiðréttingin heppnaðist „frábærlega“

• Er forsætisráðherra sáttur við frammistöðuna?
• Skýrslan var tilbúin fyrir kosningar
• Tekjuhæstu 10% fengu 22 milljarða
• Leiðréttingin greidd að fullu

» Fleiri tengdar fréttir