„Við feng­um það í fyrsta lagi samþykkt í aðild­ar­viðræðunum að ekki yrðu gerðar nein­ar óaft­ur­kræf­ar breyt­ing­ar í stofn­anaaðlög­un á aðild­ar­um­sókn­ar­ferl­is­tím­an­um. Það ligg­ur fyr­ir.“

Þetta sagði Árni Páll Árna­son, formaður Sam­fylk­ing­ar­inn­ar, í morg­unút­varpi Rás­ar 2 í morg­un þar sem rætt var um um­sókn­ina um inn­göngu Íslands í Evr­ópu­sam­bandið. Hann sagði að Íslend­ing­ar hefðu hins veg­ar þurft að leggja fram tíma­áætlan­ir um það með hvaða hætti regl­ur sam­bands­ins yrðu inn­leidd­ar ef til þess kæmi að Ísland gengi þar inn.

„Þannig var þetta út­fært á fjölda­mörg­um sviðum í aðild­ar­viðræðuferl­inu og við skul­um þá bara láta á það reyna ef ein­hverj­ar slík­ar kröf­ur koma fram um ein­hverj­ar óaft­ur­kræf­ar breyt­ing­ar. Ég varð aldrei var við þær,“ agði Árni. Í þætt­in­um tók­ust á þeir Árni og Ásmund­ur Ein­ar Daðason, þingmaður Fram­sókn­ar­flokks­ins.

Árni lagði áherslu á að um­sókn­ar­ferl­inu að Evr­ópu­sam­band­inu væri haldið áfram til þess að kom­ast að því hvers kon­ar samn­ing­ur væri í boði. Hann sagðist hafa skiln­ing á því sjón­ar­miði að til þess þyrfti rík­is­stjórn hlynnta inn­göngu en for­ystu­menn nú­ver­andi stjórn­ar­flokka hefðu hins veg­ar talað á þann veg fyr­ir kosn­ing­ar að hægt væri að kjósa þá og þjóðar­at­kvæði færi fram um fram­hald ferl­is­ins.

Ásmund­ur sagði ófært að halda áfram með um­sókn­ar­ferlið að Evr­ópu­sam­band­inu nema bæði sitj­andi rík­is­stjórn og þjóðin vildi ganga í sam­bandið. Hvor­ugt væri hins veg­ar raun­in eins og staðan væri í dag.

Tengd­ar frétt­ir

Ísland og ESB

Þor­gerður Katrín: Tolla­stríð gagn­ast eng­um

• Til Brus­sel til að koma á eðli­leg­um sam­skipt­um
• Ótt­ast ein­angr­un og hóta neit­un­ar­valdi
• Vilja end­urupp­töku á viðræðum um aðild að ESB
• Sekta ekki skip sem upp­fylla ekki kröf­ur

» Fleiri tengd­ar frétt­ir

• 4 blogg um frétt­ina

Bloggað um frétt­ina

• Ægir Óskar Hall­gríms­son: Það er bara í góðu lagi.....
• Páll Vil­hjálms­son: Árni Páll: Ísland yrði kaf­fært með ESB-aðild
• Stein­dór Sig­ur­steins­son: Það er gott að ESB sinn­ar séu farn­ir að játa …
• Óðinn Þóris­son: Þjóðin skipt­ist í 3 hópa þegar kem­ur að ESB