Fasteignaverð gæti lækkað um 20% við fullt afnám verðtryggingar
Setja bókamerki
Afnám verðtryggingar af neytendalánum gæti leitt til þyngri greiðslubyrði og gert tekjulægstu hópunum erfiðara fyrir að kaupa húsnæði. Þetta kom fram á blaðamannafundi sérfræðingahóps um afnám verðtryggingar í dag.
Þar kom einnig fram að fullt afnám verðtryggingar gæti takmarkað aðgengi tekjulægri hópa að lánsfé. Þá gæti afnámið leitt til tuttugu prósenta lækkunar á fasteignaverði á tveimur árum, samkvæmt mati Seðlabanka Íslands.
Fjárfestingarumhverfi lánveitenda, þar á meðal lífeyrissjóða, myndi einnig gjörbreytast og óvíst yrði hvort lífeyrissjóðirnir gætu yfirhöfuð haldið áfram að fjármagna fasteignalán heimilanna.
Jafnframt kom fram á blaðamannafundinum að fullt afnám verðtryggingar gæti leitt til minni hagvaxtar, að minnsta kosti til skemmri tíma. Áhrif á fjármálastöðugleika yrðu annaðhvort óviss eða neikvæð.
Fjórar helstu tillögur hópsins
Í skýrslunni er lagt til að frá og með 1. janúar 2015 verði tekin veigamikil skref í átt að fullu afnámi verðtryggingar nýrra neytendalána:
- Óheimilt verði að bjóða neytendum verðtryggð lán með jöfnum greiðslum til lengri tíma en 25 ára.
- Lágmarkstími nýrra verðtryggðra neytendalána verði lengdur í allt að tíu ár.
- Takmarkanir verði gerðar á veðsetningu vegna verðtryggðra íbúðalána.
- Hvatar verði auknir til töku og veitingar óverðtryggðra lána.
Frétt mbl.is: Hámarkslánstími styttur í 25 ár
Frétt mbl.is: Mestu breytingarnar frá setningu Ólafslaga
Frétt mbl.is: Íslandslánin afnumin
Frétt mbl.is: „Ekki hvort, heldur hvernig“
Frétt mbl.is: Bann hefði neikvæð áhrif
Búið að opna Hellisheiði
Var að slitna frá bryggju sökum hvassviðris
Fær leyfi til að rífa bústaði
KEF Spa: „Eitthvað sem þú hefur ekki séð áður“
Býst við meiri aðsókn í janúar
Sex fluttir með þyrlunni og þar af eitt barn