„Okkar afstaða er alveg óbreytt,“ segir Gunnar Björnsson, formaður samninganefndar ríkisins, um yfirstandandi kjaraviðræður við opinbera starfsmenn eftir að fjöldi launþegafélaga á almenna vinnumarkaðnum hafnaði nýjum kjarasamningi.

Ríkið mun áfram halda sig við það tilboð sem kynnt hefur verið sem er sambærilegt við kjarasamning SA og ASÍ-félaganna. Árni Stefán Jónsson, formaður SFR, er á öðru máli.

„Ríkið var búið að leggja svipaða útfærslu á borðið í okkar viðræðum og í samningunum hjá SA og ASÍ. Við lítum svo á að sú útfærsla og það tilboð sé bara út af borðinu. Það dettur engum heilvita manni í hug að semja út frá því núna þegar búið er að fella það víðast hvar í þjóðfélaginu,“ segir Árni Stefán í umfjöllun um stöðuna í kjaraviðræðunum í Morgunblaðinu í dag.

Tengdar fréttir

Kjarasamningar SA og ASÍ

Verkalýðshreyfingin tilbúin ef aðrir verða það

• Vilja skoða sameiginleg samningsmarkmið
• Viðburðarík vika fram undan í deilunni
• Forseti ASÍ: Engin pressa frá Eflingu
• Vinir Kópavogs láta ekki deigan síga

» Fleiri tengdar fréttir